खहरे: गीत-गरीबका गीत

गाइने दाइले गाउदै गए गरीबका गीत।
आफ्नो गीत सधैं भरी रह्यो आँफै सित।

कैले भन्छन् हार भयो, कैले भन्छन् जित भयो,
कैले भन्छन् दाजुभाईमा साँधी मिचामिच भयो,
आफ्नो भने कैले पनि नभएर जित,
गाइने दाइले गाउदै गए गरीबका गीत।

कैले भन्छन् छानो टालौँ, कैले भन्छन् मानो भरौँ,
कैले मनमुटाब मिली झगडा छिनोफानो गरौँ,
सधैं भरी सबै सँग हुँदै भयभित,
गाइने दाइले गाउदै गए गरीबका गीत।

भूमिका

बग्दाबग्दै उर्लिएर केही माथि चढें भने,
कँही फेरि आत्तिएर आफ्नै बाटो छोडें भने,
"खहरे" हो बादल झैं रुप फेर्छ जिन्दगीले
माफी दिनु लेख्दालेख्दै भाबनामा गढें भने।

कतै-कतै पियारीको पियारमा अल्झिएर,
कैलेकाहिँ दु:ख मेरो घाउसरी बल्झिएर,
तिम्रो मनको आलापमा हामी संगै बजेपनि,
कतै धेरै हास्नसक्छु बाधाहरु सुल्झिएर्।

जिन्दगीमा घामपानी भइराख्छ सधैं भरी,
बसन्तमा सुकेपनी बर्सातमा बढें भने।
माफी दिनु लेख्दालेख्दै भाबनामा गढें भने।

देश रुदा देश संगै रोइएको हुनसक्छ,
धर्तीले झैं सबै कुरा सहिएको हुनसक्छ,
मान्छेको यो पापी मन के-के खोज्छ के-के,
आत्तिए झैं, मात्तिए झैं भैइएको हुनसक्छ।

ताते-ताते गराउदै, जहाँ जान्छौ लानु साथी,
उठाउनु तिम्रो मनको बलेशीमा लढें भने,
माफी दिनु लेख्दालेख्दै भाबनामा गढें भने।

खहरे

गीत-गरीबका गीत

No comments:

Post a Comment