खहरे: हिउको गुफा भित्र

अँध्याराहरुले पटक-पटक
घुम्टो ओढाउन खोज्छन,
-ताराहरुलाई सीतारा भनेर,
-जुनलाई सजावट भनेर,
दिनका बैगुनहरु बिछ्याउछन्,
घाममा हत्केला लगाउछन्,
आफ्ना नदेखिएका कोठीहरू वा घुचुकहरु
काखी र कापहरुमा अत्तर छर्किन्छन्,
यी नाकका फुली जस्तै भनिने,
- टल्कीरहने
जुनकिरीहरुलाई हेरेर
म कसरी कटाउन सकुँला र रात?
तर
यो निदाउनै नसकेको सपना बोकेर म,
घामका किरण समाएर,
चैत हटाएर पात्रोबाट साउन कुरिरहेको छु l
*****

भूमिका

बग्दाबग्दै उर्लिएर केही माथि चढें भने,
कँही फेरि आत्तिएर आफ्नै बाटो छोडें भने,
"खहरे" हो बादल झैं रुप फेर्छ जिन्दगीले
माफी दिनु लेख्दालेख्दै भाबनामा गढें भने।

कतै-कतै पियारीको पियारमा अल्झिएर,
कैलेकाहिँ दु:ख मेरो घाउसरी बल्झिएर,
तिम्रो मनको आलापमा हामी संगै बजेपनि,
कतै धेरै हास्नसक्छु बाधाहरु सुल्झिएर्।

जिन्दगीमा घामपानी भइराख्छ सधैं भरी,
बसन्तमा सुकेपनी बर्सातमा बढें भने।
माफी दिनु लेख्दालेख्दै भाबनामा गढें भने।

देश रुदा देश संगै रोइएको हुनसक्छ,
धर्तीले झैं सबै कुरा सहिएको हुनसक्छ,
मान्छेको यो पापी मन के-के खोज्छ के-के,
आत्तिए झैं, मात्तिए झैं भैइएको हुनसक्छ।

ताते-ताते गराउदै, जहाँ जान्छौ लानु साथी,
उठाउनु तिम्रो मनको बलेशीमा लढें भने,
माफी दिनु लेख्दालेख्दै भाबनामा गढें भने।

खहरे

हिउको गुफा भित्र

No comments:

Post a Comment